Bassi, golmmaoktalaš Ipmil,
don gii leat viissisvuođa, ráfi ja ráhkisvuođa ája!
Ovttas girkuiguin miehtá máilmmi mii rohkadallat du: várjal Ukraina álbmoga!
Boađe jeđđehusain buohkaid lusa geat ballet ja geat leat soahte- ja riidoguovlluin. Divtte sin vásihit du ráhkisvuođa ja ráfi, ja dan bokte roahkasmuvvat buriid daguide.
Mii boahtit du lusa min baluin ja rohkadallat ráfi Eurohpái ja máilbmái.
Atte máilmmi jođiheddjiide viissisvuođa, roahkkatvuođa ja doaimmalašvuođa loahpahit soahtedaguid, gádjut olbmuid heakkaid ja gávdnat ráfálaš čovdosiid.
Jesus Kristus, don gii leat máilmmi čuovggas, boađe ráfiinat! Amen.